Zimbabwe: Uwari Minisitiri w’ubuzima yirunkwe akekwaho ruswa.

POLITIKI
Sangiza iyi nkuru abandi

Yanditswe na MUTABAZI Fidele

Kuwa 8 Nyakanga 2020

Umukuru w’igihugu cya Zimbabwe ‘Perezida Emmerson Mnangagwa’ yakuye ku mirimo uwari Minisitiri w’ubuzima mu gihugu, Obadiah Moyo ukekwaho ruswa mu gihe hatangwaga isoko rya Miliyoni 60 z’amadolari yo kugura ibikoresho byo kwifashisha bahangana na Coronavirus.

Uyu mu minisitiri yatawe muri yombi akurikiranweho guha amasezerano y’amasoko ya Leta anyuranyije n’amategeko ibigo bya Drax International LLC ndetse na Drax Consult, gusa nyuma aza kurekurwa agwatirije umutungo we uhwanye n’ayo mafaranga.

Mu itangazo ryasohotse riturutse mu biro by’umukuru w’igihugu, risohowe na Misheck Sibanda ryirukana uyu mugabo kubera imyitwarire idakwiye yamugaragayeho.

Ibi bibaye nyuma y’uko hamaze igihe inzobere mu buzima n’abaforomo bigaragambya basaba leta ko yabishyura umushahara wabo mu madolari ya Amerika.

Mu gushyingo umwaka ushize, bamwe mu baganga bagera kuri 435 bakoreraga ibitaro bya Leta bazize gukwira imigi bigaragambya basaba umushahara ndetse no gukosorerwa uburyo bakoramo.

Kugeza ubu muri Zimbabwe hamaze kugaragara abagera kuri 787 banduye icyorezo cya covid-19, abagera ku 9 barakizize barapfa naho 201 baragikirutse.

Minisitiri Obadiah Moyo wakuwe ku mirimo yo kuba Minisitiri w’intebe muri Zimbabwe.

Leave a Reply

Your email address will not be published.