USA:Indege ya Boeing 777 yatumye izindi nkayo zihagarikwa igitaraganya

MU MAHANGA
Sangiza iyi nkuru abandi

Nyuma yuko moteri y’inde yo mu bwoko bwa Boeing 777 inaniwe gukora hashize akanya gato ihagurutse ku wa Gatandatu,kompanyi y’indege ya United Airlines yo muri Amerika ivuga ko yahagaritse indege zayo 24 zo muri  bwoko.

Iyo ndege, yari irimo abagenzi 231 n’abakozi 10 bo mu ndege, byabaye ngombwa ko isubira ku kibuga cy’indege cya Denver muri leta ya Colorado,gusa nta muntu wakomeretse watangajwe.

Kubera ibyo byabaye, Ubuyapani byasabye kompanyi zose z’indege zikoresha ubwo bwoko bw’indege za Boeing 777 zifite moteri nk’iyo ya Pratt & Whitney 4000 kwirinda kujya mu kirere cyabwo.

Uruganda rukora indege rwa Boeing rwavuze ko rushyigikiye icyemezo cy’Ubuyapani ndetse rwasabye ko kompanyi zose zikoresha indege zayo za Boeing 777 zifite moteri nk’iyo zihagarika ibikorwa mu gihe iperereza ku byabaye rikomeje.

Iyi ndege yo muri Amerika, yerekezaga mu mujyi wa Honolulu muri leta ya Hawaii. Yagize ikibazo cya moteri yayo y’iburyo, nkuko byavuzwe n’ikigo gishinzwe ubugenzuzi bw’indege muri Amerika (FAA).

Kubera ibyo byabaye, ikigo FAA cyategetse ko hakorwa amagenzura y’inyongera y’indege za Boeing 777 zikoresha moteri ya Pratt & Whitney 4000.

Mu itangazo yasohoye ku cyumweru, Steve Dickson ukuriye ikigo FAA yagize ati: “Twagenzuye amakuru y’umutekano yose ahari kubera ibyabaye kuwa Gatandatu”.

Ikigo FAA kigiye gukorana inama n’abahagarariye uruganda rwa Boeing ndetse n’urwakoze iyo moteri.

Leave a Reply

Your email address will not be published.