USA:Hatangajwe umuti wa burundu uvura covid-19

UBUZIMA
Sangiza iyi nkuru abandi

Muri Leta Zunze Ubumwe za Amerika, hemejwe burundu umuti wa remdesivir ugiye kuvurishwa abarwayi ba Covid-19 bari mu bitaro.

Ikigo cy’Amerika gishinzwe ubuziranenge bw’imiti n’ibiribwa (FDA) cyavuze ko uyu muti, wahawe izina rishya rya Veklury, ugabanyaho iminsi itanu igihe bifata ngo abarwayi boroherwe, nkuko byagaragajwe n’amagerageza yawo.

Itangazo ry’ikigo FDA rivuga ko Veklury ari wo muti wa mbere wa COVID-19 ubonye uruhushya rwa FDA”. Kuva mu kwezi kwa gatanu, remdesivir yari yemewe gukoreshwa muri Amerika nk’umuti w’amaburakindi gusa.

Mu cyumweru gishize, Ishami ry’umuryango w’abibumbye ryita ku buzima (OMS/WHO) ryakemanze uyu muti wa remdesivir rivuga ko bigoranye cyane kuba hari icyo wamarira umurwayi wa coronavirus.

OMS yavuze ko ibyo ibishingira ku bushakashatsi bwayo bwite – ariko uruganda Gilead rukora uwo muti rwamaganye ibyo byavuye mu bushakashatsi bwa OMS.

Uyu muti ni wo uherutse guhabwa Perezida Donald Trump nyuma y’uko bamusanzemo Covid-19. Kuva icyo gihe ntayo barongera kumusangamo bityo bikaba biri mu byashingiweho bemeza uyu muti.

Kugeza ubu muri Amerika hamaze gutangazwa abantu barenga miliyoni 8,4 banduye Covid-19, muri bo abarenga 220,000 yarabishe nkuko imibare ya Kaminuza ya Johns Hopkins ibigaragaza.

Leave a Reply

Your email address will not be published.