UN: Irahamagaza amahanga kuyifasha kurwana ubukene buri guterwa na Covid-19

KORONAVIRUSI
Sangiza iyi nkuru abandi

Kuwav 17 Nyakanga 2020

Umuryango w’abibumbye (ONU/UN) uri gusaba ibihugu byose inkunga ya miliyari 10 z’amadolari y’Amerika yo gufasha mu kurwanya icyorezo cya coronavirus, nibwo bwa mbere isabye inkunga nyinshi.

Uyu muryango uvuga ko abantu bagera kuri miliyoni 265 ku isi bashobora kwicwa n’inzara kugeza mu mpera y’uyu mwaka kubera ingaruka za Covid-19.

Biteganyijwe ko ayo mafaranga y’inkunga agenerwa ibihugu biri mu nzira y’amajyambere n’ibirangwamo umutekano mucye.

ONU yaburiye ko niba nta gikozwe kuri ubwo busabe bw’inkunga, iterambere ryagezweho mu myaka ibarirwa muri za mirongo ishize rizaba impfabusa.



Ubwo yasabaga inkunga bwa mbere mu kwezi kwa gatatu, ONU yari yasabye miliyari 2 z’amadolari.

ONU isabye iyi nkunga ya mbere nyinshi nyuma yaho muri iki cyumweru akanama ko kurwanya ibiza k’Ubwongereza (DEC) gasabiye inkunga yo gufasha abababaye cyane kurusha abandi ku isi kubera covid-19.

Imiryango 14 ifasha yo mu gihugu cy’Ubwongereza ni nka Oxfam, Christian Aid, Islamic Relief na Croix-Rouge y’Ubwongereza igiye kwishyira hamwe isabe abaturage b’Ubwongereza gutanga imfashanyo yo kurwanya ubukene bw’ugarije isi kubera iki cyorezo.

Kugeza ubu ku isi, abantu barenga miliyoni 13 bamaze kwandura icyorezo cya coronavirus, muri bo abagera ku 600,000 kimaze kubica, nkuko imibare ya Kaminuza ya Johns Hopkins ibitangaza.



Leave a Reply

Your email address will not be published.