Ubutariyani: Icyorezo cya koronavirus cyabonetse mu mazi atwara imyanda mbere y’uko kimenyekana.

KORONAVIRUSI
Sangiza iyi nkuru abandi

Yanditswe na MUTABAZI Fidele

Ku wa 20 Kamena 2020

Abashakashatsi b’abatariyani batangaza ko icyorezo cya koronavirus cyatangiye kuboneka mu kwa 12 k’umwaka ushize mu mazi atwara imyanda ava mu migi ibiri, mbere y’uko iki cyorezo gitangazwa muri iki gihugu.

Ikigo k’igihugu gishinzwe ubuzima bw’abantu (ISS) kivuga ko amazi atwara imyanda ava mu migi ya Milan na Turin yatangiye kubonekamo iki cyorezo ku wa 18 Ukuboza 2019, icyo gihe iki cyorezo cyari kitaranatangira gutangazwa mu bushinwa bivugwa ko ariho cyatangiriye.

Icyo kigo cyongeraho ko hari ibyemezo biva mu bindi bihugu byerekana ko iki cyorezo cyari cyatangiye gukwirakwira mbere ho igihe kinini y’uko kimenyekana.

Iki cyorezo gutangajwe bwa mbere mu Bushinwa mu mpera z’ukwezi kwa 12 umwaka ushize wa 2019, mu gihe mu Butariyani umuntu wa mbere yanduye iki cyorezo yatangajwe hagati mu kwezi kwa kabiiri.

Mu kwa gatanu gushize, abashakashatsi b’Abafaransa bavuze ko ibipimo byafashwe ku murwayi bikekwa ko yari arwaye umusonga kuwa 27 Ukuboza hafi y’umurwa mukuru Paris byerekanye ko yari yaranduye iki cyorezo cya Covid19.

Muri icyo gihe nibwo mu gihugu cya Espanye, ibipimo by’amazi atwara imyanda byafashwe hagati mu kwa mbere mu mugi wa Barcelona, iminsi 40 mbere y’uko icyo cyorezo kimenyekana muri icyo gihugu, byerekanye ko ayo mazi yarimo iki cyorezo.

Muri iki kigo cya ISS mu Butaliyani, abashakashatsi bakoze ubushakashatsi ku bipimo 40 bafatiye ku bigo bihuriramo amazi atwara imyanda mu burengerazuba bw’ubutariyani hagati mu kwezi kwa cumi 2019 n’ukwa kabiri 2020.

Ibipimo bafashe mu kwa cumi n’ukwa cumi na kumwe nta cyorezo cyarimo bigaragara ko nta cyorezo cyari kitaragera muri icyo gihugu, nk’uko bivugwa n’umushinga wo mu kigo ISS Giuseppina La Rose.

Madame La Rosa avuga ko ubwo bushakashatsi bushobora gufasha abashakashatsi kumenya uburyo iki cyorezo cyatangiye gukwirakwira muri iki gihugu.

Umuntu wa mbere wasanzwemo iki cyorezo atavuye hanze mu Butariyani yari umurwayi mu mugi wa Codongno mu ntara ya Lombardy.

Ibihugu bitari bike birimo birakoresha ubwo bushakashatsi mu gushaka imvano y’iki cyorezo gihangayikishije isi.

Mu gihugu cy’u Butaliyani, hafi abantu 35.000 nibo bamaze guhitanwa na Covid-19 nk’uko bitangazwa n’ishuri rya kaminuza Johns Hopkins rikurikirana bya bugufi ibijyanye na covid19 muri iki gihugu.

Ubushakashatsi bwo gutahura imvo n’imwana ya colonavirus mu Butariyani.

Leave a Reply

Your email address will not be published.