U Rwanda rubaye igihugu rukumbi mu karere cyatangiye gukingira Covid-19

MURWANDA UBUZIMA
Sangiza iyi nkuru abandi

U Rwanda rwatangiye gahunda yo gukingira abantu icyorezo cya Coronavirus,aho hari kwibandwa ku bafite ibyago byo kwandura kurusha abandi by’umwihariko abita ku barwaye iyi virus mu mavuriro, nk’uko byatangajwe na minisiteri y’ubuzima.

Minisiteri y’ubuzima ivuga ko iri gukoresha inkingo zemewe na OMS/WHO,u Rwanda rwabonye ku mubare muto “binyuze mu bufatanye mpuzamahanga”.

Iyi minisiteri ntiyatangaje urukingo ruri gutangwa, gusa umwe mu bakozi bayo yabwiye BBC dukesha iyi nkuru ko batangiye gukingira muri iki cyumweru, batera urukingo rwa Pfizer.

Muri aka gace ka Africa u Rwanda ni cyo gihugu kibanjirije ibindi gukingira Covid-19. Muri Africa, ibihugu ubu byatangiye gutanga urukingo birimo Maroc, Mauritius, Equatorial Guinea, Misiri na Seychelles.

Mu itangazo minisiteri y’ubuzima yacishije ku rubuga rwa Twitter rivuga ko izo nkingo niziboneka gahunda yo gukingira umubare w’abantu wisumbuyeho ari bwo izakurikiraho.

Kuri uyu mugabane,ibihugu bimwe, nka Africa y’Epfo, byakemanze ubushobozi bw’uru rukingo ruri gusakazwa mu gukingira amoko mashya ya Covid-19.

Leave a Reply

Your email address will not be published.