Tanzania:Umuraperi Professor Jay yakuwe mu Nteko y’Abadepite

IMYIDAGADURO MU MAHANGA POLITIKI
Sangiza iyi nkuru abandi

Umuraperi, Professor Jay, warusanzwe ari umudepite w’ishyaka CHADEMA, yakuwe mu Nteko y’Abadepite muri Tanzania nyuma yo gutsindwa n’uwo bari bahanganye.
 
Professor Jay yari yatorewe kwinjira mu bagize Inteko y’Abadepite muri 2015, kuri iyi nshuro yagize amajwi 17,375 mu gihe uwo bari bahatanye Denis Lazaro yagize amajwi 31,411 .

Ishyaka CHADEMA rivuga ko aya matora yaranzwe n’uburiganya. Mu byavuye mu matora bimaze gutangazwa kugeza ubu, mu turere 264 tugize Tanzania abakandida ba CCM bamaze gutsindira imyanya 99% mu bagize inteko.

Undi muhanzi uzwi cyane muri iki gihugu, Hamis Mwinjuma, yatorewe kujya mu nteko ishingamategeko ya Tanzania ahagarariye akararere ka Muheza.

Mwinjuma wari umukandida w’ishyaka riri ku butegetsi CCM, yagize amajwi 47,578, atsinda Yosepher Komba wa CHADEMA bari bahanganye, ku majwi 12,034.

Leave a Reply

Your email address will not be published.