Yanditswe na MUTABAZI Fidele
Kuwa 11 Nyakanga 2020
Mu nama nkuru y’ishyaka riri ku butegetsi ,Chama Cha Mapinduzi (CCM) yateranye yemeza ko Perezida John Magufuli ariwe mukandida waryo watanzwe mu matora ya perezida ateganyijwe kuba mu kwezi kwa cumi uyu mwaka wa 2020.
Iyi nama yateranye kuri iki cyumweru tariki ya 11 Nyakanga 2020 mu murwa mukuru wa politike mu gihugu cya Tanzaniya ,i Dodoma, yathisemo Perezida Magufuli ku majwi 1822, angana na 100% by’abatoye bose muri iyi nama, abatoye bose bangana n’abitabiriye bose bo muri (CCM) iyi nama uko ari 1822.
Iyi nama kandi yitabiriwe n’abandi bantu batari mu ishyaka harimo abaje bahagarariye ibihugu bitandatu, u Burundi, Mozambique, DRC, Vietnam na Sudani y’epfo.
Ibi nk’uko byatangajwe na Bashiru Ally, umunyamabanga mukuru wa CCM, ko mu byo bateganya gukora mu myaka iri imbere nko guha akazi abagera kuri miliyoni 8′ guteza imbere ubuhinzi no kwihaza ibiribwa, ibijyanye n’amazi ndetse n’amashanyarazi.
Gusa nubwo CCM yatanze umukandida, abatavuga rumwe na Leta iriho bo ntibaratangaza uzahagararira muri ayo matora.
Nyakubahwa Perezida Magufuli ashimirwa ibikorwa byinshi by’iterambere ariko agashinjwa n’imiryango itandukanye yita ku buzima ko yakoresheje umwanya yahawe nka perezida agatoteza abatavuga rumwe na we ndetse no kutubahiriza uburenganzira bw’itangazamakuru.
