Sudani irasaba gukurwa ku rutonde rw’abafasha iterabwoba imazeho imyaka 27

MU MAHANGA
Sangiza iyi nkuru abandi

Sudani irasaba gukurwa ku rutonde rw’ibihugu bifasha iterabwoba yashyizweho na Leta Zunze Ubumwe za Amerika, ngo kuko ari impamvu ikomeye idindiza demokarasi yifuzwa muri iki gihugu.

Ibi byatangajwe na Minisitiri w’Intebe wa Sudani, Abdallah Hamdok kuri iki Cyumweru,  aho yavuze ko kuba igihugu cye kiri kuri uru rutonde bibangamiye umugambi we wo kugeza igihugu mu nzira ya demokarasi.

Sudani yashyizwe kuri uru rutonde mu mwaka wa 1993, ku buyobozi bwa Omar al-Bashir washinjwaga guha ubuhungiro uwahoze ari umukuru wa Al-Qaeda, Osama bin Laden.

Mu kiganiro cyashizwe ahabona kuri iki cyumweru,  Hamdok yavuze ko ibyo bihano byabangamiye ubukungu bw’igihugu. Yavuze kandi ko gukura Sudani kuri urwo rutonde bizahindura byinshi.

Mu kwezi gushize, Isirayeli yasinye amasezerano yafashijwemwo na Amerika yo kuvugurura umubano na Leta Zunze Ubumwe z’Abarabu na Bahrain, kandi Leta ya Perezida Donald Trump itegeka kugumiza Sudani kuri urwo rutonde.

Sudani iri mu bihugu bya Afurika, bitakemerewe kohereza abanyeshuri babo kwiga muri Leta Zunze Ubumwe za Amerika kubera urwikekwe rwo kuba muri bo hazamo intasi zihungabanya umutekano.

Leave a Reply

Your email address will not be published.