Real Madrid: Amahirwe menshi yo gutwara igikombe cya La Liga

IMIKINO
Sangiza iyi nkuru abandi

Yanditswe na MUTABAZI Fidele

Kuwa 11 Nyakanga 2020

Ubu aho bigeze muri shampiyona ya la Liga yo muri Espagne Real , ikipe ya Real Madrid irasabwa gutsinda imikino ibiri yonyine ngo ibe yegukane igikombe cya shampiyona, nyuma yaho ikomeje kwirara neza cyane itsinda umusubirizo dore ko ejo ku wa gatanu yatsinze ikipe ya Alaves.

Mu bitego batsinze iyi kipe ku munsi w’ejo, harimo Penaliti ya Karim Benzema ivuye ku ikosa Ximo Navarro yari akoreye Ferland Mendy ndetse nyuma gato Benzema yahaye Marco Asensio umupira wavuyemo igitego cya kabiri, cyabonetse cyemejwe habanje kugenzurwa na VAR yahinyuje urujijo rw’uko yari yaraririye.

Ikipe iri ku mwanya wa kabiri ya Barcelona ku rutonde rw’agateganyo, Real Madrid iyirusha amanota agera kuri ane(4) kuko Real ifite 80 naho Barcelona ikaba ifite amanota 76.

Biteganyijwe ko ikipe ya Real Valladolid iramutse itsinze umukino ifitanye na Barcelona uyu munsi ndetse ikipe ya Real Madrid nayo igatsinda ikipe ya Granada kuri uyu wa mbere yahita yegukana igikombe cya shampiyona ntakabuza.

Ibyo biramutse bitabaye gutyo; ikipe ya Real Madrid irasabwa intsinzi ebyiri cyangwa se intsinzi imwe ikananganya kabiri mu mikino itatu iyi kipe isigaje byatuma umutoza Zinedine Zidane n’ikipe ye begukana igikombe cya shampiyona y’uyu mwaka muri Espagne.

Iyi kipe ya Real Madrid iramutse yegukanye iki gikombe cya shampiyona y’uyu mwaka cyaba kibaye icya kabiri yegukanye mu myaka umunani ishize dore ko icyo iheruka ari icyo mu mwaka wa 2016-2017 igitozwa na Zinedine Zidane nyuma y’uko ayizezeramo.

Uyu mugabo Zinedine Zidane nawe yaba yanditse andi mateka, nyuma y’uko ayisezeramo atwaye iki gikombe nyuma nabwo akagaruka 2019 akongera akagitwara.

Real Madrid irasabwa gutsinda imikino ibiri yonyine ngo ibe yegukane igikombe cya shampiyona

Leave a Reply

Your email address will not be published.