Madagascar: Ikeneye ubufasha mu kurwanya Coronavirus

KORONAVIRUSI
Sangiza iyi nkuru abandi

Kuwa 22 Nyakanga 2020

Minisitiri w’ubuzima mu gihugu cya Madagascar yasabye ubufasha imiryango yigenga ikorana n’icyo gihugu ko yabafasha mu kurwanya icyorezo cya Colonavirus mu gihe bari kubona imibare y’abanduye iki cyorezo yiyongera k’umuvuduko ukabije.

Urubuga rwa Actu Orange ruvuga ko iyi minisiteri itangaza umuvuduko w’iyongera ry’icyorezo cya Coronavirus ukabije cyane kuva mu mezi arindwi ashize kigaragaye muri iki gihuguru, aho kugeza ubu hamaze kuboneka abantu benshi bayanduye mu turere tumwe na tumwe, cyane cyane mu murwa mukuru, Antananarivo”.

Ubuyobozi bw’ibitaro bimwe na bimwe byo muri uyu murwa mukuru wa Madagasikari baratangaza ko ubu hamaze iminsi hagaragara ukwiyongera gukabije kw’indembe za Coronavirus.

Kugeza ubu iki gihugu  cya Madagascar gifite abantu hafi 7500 banduye Covid-19 kandi abagera hafi 80% muri bo basuzumwe mu kwezi gushize.

Perezida Andry Rajoelina mu ntangiriro z’uku kwezi yongeye gufungura umurwa mukuru muri gahunda ya Guma mu Rugo nyuma y’aho imibare y’abanduye yagabanutse.

Mu kwezi kwa kane,nibwo yatangaje umuti mushya wavumbuwe muri iki gihugu wo kwirinda ikwirakwizwa  rya Covid-19 wakwiragijwe cyane mu gihugu hose, anashimangira ko igihugu ke kirimo kirarwanya iyi ndwara mu buryo bwizewe.

Nyuma yaho gato bimwe mu bihugu bitari bike byo muri Afurika nabyo byatumije uyu muti wiswe Covid-Organics.

Hagati aho, nyuma uyu muti w’amazi wavumbuwe muri iki gihugu bamwe mu bashakashatsi bo muri Nigeriya ndetse na Repubulika iharanira Demokarasi ya Congo, nyuma y’uko bawukozeho ubushakashatsi bashaka kumenya niba koko uyu muti wizewe ko wakiza Covid-19 bagasanga utizewe.

Madagascar ni igihugu kugeza ubu gifite abantu banduye coronavirus bagera ku  bantu 7500.

Leave a Reply

Your email address will not be published.