Lionel Messi: Byatangajwe ko azasoreza umupira we mu ikipe Barcelona

IMIKINO
Sangiza iyi nkuru abandi

Yanditswe na MUTABAZI Fidele

Kuwa 6 Nyakanga 2020

Umwe mu bavuga rikijyana mu ikipe ya Barcelona, Josep Maria Bartomeu akaba na Perezida wayo yatangaje ko uyu Mukinnyi w’icyamamare azasoreza ibijyanye no ruhago mu ikipe ye ya Barcelona.

Ibi Josep Maria Bartomeu, yabitangaje nyuma yo guhakana ibihuha byavugwaga ko uyu rutahizamu w’imyaka 33 y’amavuka ukomoka mu gihugu cya Argentine ko yaba adashaka kongera amasezerano.



Ubu amasezerano Messi afitanye na Barcelona azarangira mu mwaka utaha wa 2021.

Mubyo perezida yatangarije ikinyamakuru Movistar gikorera muri Espagne, yavuze ko bari mu biganiro n’abakinnyi benshi ariko uyu mukinnyi we akaba yarababwiye ko ashaka kuhaguma kandi ko ari ibyishimo kuri bo by’igihe kirekire kuri bo.

Ibi Bartomeu yabivuze bamaze kunyagira ikipe ya Villareal ibitego 4-1 bayisanze iwayo mu mukino wa shampiyona yabo ya La Liga.

Uyu mukino iyi kipe yaraye itsinze watumye igabanya ikinyuranyo cy’amanota mukeba wayo Real Madrid ifitemo kuko Real ifie 77 kuri 73 ya Barcelona

Mbere y’uyu mukino hari habaye uwahuje ikipe ya Real na Atletical Bilbao,Real ikayitsinda 1-0 cya penaliti yatanzwe na VAR, Baromeu yavuze ko iri koranabuhanga ridakoreshwa neza kuko iyo penaliti itariyo.

Ati:”Kuva kuva shampiyona yasubukurwa nyuma ya Covid-19 , ntabwo ikoreshwa mu buryo bungana, bikaba bigaragarira mu musaruro kandi kandi ko iri koranabuhanga buri gihe ribera ikipe imwe”.

Mu byo umutoza wa Real Zinedine Zidane yavuze, yagize ati:” ndambiwe kumva intsinzi z’ikipe yange zinengwa.

Messi azasoreza umupira we mu ikipe Barcelona



Leave a Reply

Your email address will not be published.