KNC yavugiye kuri Rayon Sports ko ashobora kuyitanga gusinyisha Muhadjiri

IMIKINO
Sangiza iyi nkuru abandi

Yanditswe na MUTABAZI Fidele

Kuwa 24 Kamena 2020

Perezda w’ikipe ya Gasogi United, Kakoza Nkuriza Charles uzwi nka KNC yabwiye Rayon Sports ko ishobora gukomeza guhazira mu kubona amafaranga yo kugura Hakizimana Muhadjiri ikazayabona yamaze kumusinyisha.

Ibi Perezida wa Gasogi yabitangaje nyuma y’aho akoze agashya agasinyisha Rutahizamu Bola Lobota wavugwaga mu ikipe ya Rayon Sports ndetse warambagijwe nayo kuva mu mwaka ushize.

Mu kiganiro yagiranye n’itangazamakuru kuri uyu wa Gatatu, KNC yavuze ko bakoze ibyo basabwaga bikarangira batwaye uyu rutahizamu Rayon Sports yarambagizaga ndetse ngo bashobora no kongera kuyikora mu nkovu bakagura na Hakiziamana Muhadjiri.

Ati “Ibintu bya ’transfer’ biba bigoye. Umuntu agomba kwifuza uko abishaka, umuntu ashobora guca ku ibagiro akumva arifuza inyama ariko siko yabona amafaranga yo kuzigura ngo ajye kuzirya. Rayon Sports ishobora kuba yarabaye nk’uwo muntu maze abahaha bakaza bakigurira. Twe twakoze ibyo twasabwaga.

Na Muhadjiri muvuga dushobora kumutwara, reka mbivugire aha ababyumva mubyumve. Bashobora kumuteranyiriza twebwe tukamutwara.”

Amakuru yavugaga ko Rayon Sports yamaze kumvikana na Muhadjiri Hakizimana watandukanye na Emirates FC,nyuma yo kwemera kumwishyura miliyoni 15 Frw ku mwaka umwe n’umushahara wa miliyoni 1 Frw ku kwezi.

Lobota wifuzwaga cyane na Rayon Sports yakiniraga Association Sportive Maniema Union (AS Maniema) nayo yari yaramutije muri AS Vita Club. Bivugwa ko yerekeje muri Gasogi United bigizwemo uruhare cyane na Guy Bukasa wamutoje muri AS Nyuki.

Umwaka ushize nibwo uyu mukinnyi yari yifujwe na Rayon Sports ndetse baranamushima ariko baza kunaniranwa ku mafaranga kuko yacaga Rayon Sports ibihumbi makumyabiri by’Amadorali (20.000 $), Rayon Sports ivuga ko itayabona, asubira iwabo gukinira ikipe ya Maniema yagiyemo avuyemo muri AS Nyuki. Muri iki igihe cy’igura n’igurisha, bivugwa ko Rayon Sports yifuzaga kumuha Miliyoni 12 akayikinira imyaka ibiri.

Umuyobozi w’ikipe ya Gasogi United wifuza kugura Hakizimana Muhadjiri igashiduka yamusinyishije

Nkuriza Charles (KNC) ,yavuze ko bakoze akazi gakomeye ko gusinyisha Lobota kuko ngo ari umukinnyi uzi aho izamu riri, wagutsindira aho ariho hose, uzi gutera imipira y’ imiterekano ndetse ntiyatinye no kumugereranya n’igisasu cya kirimbuzi cyambukiranya imigabane (Intercontinental ballistic missile with nuclear warhead). Yavuze ko amakipe bazahura umwaka utaha akwiriye kugira ubwoba.

KNC abwira Generali Sekamana ati,Gasogi na Heroes zigiye kuzana umupira mwiza mucyiciro cya mbere ubwo bazamukaga.

Leave a Reply

Your email address will not be published.