Kenya imaze kuba kimwe mu bihugu bimaze kubona abarwayi bashya benshi ba covid 19 muri Africa.

UBUZIMA
Sangiza iyi nkuru abandi

Yanditswe na MUTABAZI Fidele

Kenya ni kimwe mu bihugu bigize umugabane wa Africa bimaze kubona abarwayi bashya ba koronavirus aho tariki ya 12 kamena muri iki gihugu habonetse abarwayi ba covid 19 bagera kuri 90 bikaba byatumye umubare wabarwaye koronavirusi muri kenya ugera ku 3,305.

Muri iyi mibare mishya yatangajwe tariki abagare bagera kuri 28 naho abagabo bakaba bagera kuri 62 bafite hagati y’imyaka 14 na 80. Iyi mibare mishya yose ikaba ari abanya kenya nkuko Rashid Aman yabitangaje none tariki 13 kamena 2020.

Iyi mibare yose yatangajwe ikaba yaravuye mubipimo 2,419 byatumye muri kenya hose hamaze gufatwa ibipimo 108,666 byatanze abagera ku 3,305 barwaye covid19 muri iki gihugu.

Nairobi ikaba ariwo mujyi wa mbere wagaragawemo abarwayi benshi bagera kuri 36 nyuma ya Mombasa yabonye 34 ,Busia ifite 12, Uasin Gishu yabonye 3 , naho Kilifi, Garissa, Kasimu, Meru na Turkana hose habonetse umwe umwe bose hamwe bakaba 90.

Kugeza ubu muri Kenya hamaze kuboneka abarwayi 3305 naho abamaze gukira ni 1164 abakirwaye ni 2045 naho abapfuye ni 96 mu bipimo byose byafashwe bigera kuri 108,666.

Umunyamabanga mukuru mu rwego rwita kubuzima muri kenya Rashid Aman atanga iyi mibare ya covid i Nairobi.

Leave a Reply

Your email address will not be published.