Gatsibo:RIB yataye muri yombi ukekwaho ubwicanyi

MURWANDA
Sangiza iyi nkuru abandi

Urwego rw’Igihugu rw’Ubugenzacyaha,RIB, rwatangaje ko kuri uyu wa Gatanu tariki 9 Ukwakira 2020, rwataye muri yombi Bakundinka Nepomuscene ukekwaho kwica Mutuyima Diogene akamuhamba mu mwobo.

Mu itangazo RIB yashyize hanze, urupfu rwa Mutuyimana rwabaye kuwa 26 Nyakanga 2020. Birakekwa ko nyuma yo kumwica, Bakundinka yamushyize mu mufuka akamutaba iwe mu rugo ho mu mudugudu w’Agatare, akagari ka Nyagisozi mu murenge wa Kageyo.

Ingingo ya 107 y’Itegeko No 68/2018 ryo kuwa 30/08/2018 riteganya ibyaha n’ibihano muri rusange, ivuga ko umuntu yica undi abishaka aba akoze icyaha. Iyo abihamijwe n’urukiko ahabwa igihano cya burundu.

Kuri ubu, Bakundinka afungiye kuri sitasiyo ya RIB ya Gatsibo, mu gihe agikorerwa dosiye izashyikirizwa ubugenzacyaha.

Leave a Reply

Your email address will not be published.