Coronavirusi: Ibihugu 43 byo muri Afurika bimaze gufunga imipaka mu kwirinda ikwirakwizwa ryayo.

KORONAVIRUSI
Sangiza iyi nkuru abandi

Yanditswe na MUTABAZI Fidele

Kuwa 15 Kamena 2020

Ikigo gishinzwe kugenzura no gukumira indwara muri Afurika, CDC, cyatangaje ko nyuma y’aho icyorezo cya coronavirus kigeze ku mugabane wa Afurika, ibihugu bigera kuri 43 aribyo bimaze gufunga imipaka yabyo mu kwirinda ubwandu bw’iki cyorezo.

Kugeza ubu iki kigo gitangaza ko abantu 245 762 aribo bamaze kwandura coronavirus muri Afurika, abamaze gupfa ni 6 554 naho abakize ni 112 985.

CDC gitangaza ko Afurika y’Amajyaruguru ariyo yugarijwe cyane n’iki cyorezo ku mugabane wa Afurika, ku bamaze gupfa n’abanduye.

Ibihugu byugarijwe cyane ni Afurika y’Epfo, Misiri, Morocco, Djibouti, Nigeria na Algeria.

Usibye ibihugu 43 byafunze burundu imipaka, CDC ivuga ko ibindi bihugu 35 byashyizeho isaha yo gutaha mu rwego rwo guhagarika ikwirakwizwa rya virusi.i kigo kivuga ko hari ibihugu bimwe na bimwe bikomeje kwemerera imizigo n’ubwikorezi bwihutirwa kwinjira mu bihugu, naho ibindi birakemerera abaturage kwinjira.

Mu bihugu 54 bigize uyu mugabane, ubona ko byose byashyizeho amabwiriza yo abuza abantu guhurira mu ruhame, naho 38 byo byafunze amashuri, mu gihe ibindi 20 byahagaritse ibikorwa byo gusura mu magereza.

Inzego z’ubuzima muri Afurika zitangaza ko ibihugu 18 byashyizeho gahunda yo gupima abantu benshi coronavirus, naho 41 byo byategetse ko abaturage bambara udupfukamunwa mu gihe bari ahahurirwa na benshi.

Afrika ingamba zo kwirinda coronavirusi zikomeje gukazwa.

Leave a Reply

Your email address will not be published.