Coronavirus: Umuti wa mbere umaze kuboneka ko ushobora Kuyikiza Dexamethasone.

KORONAVIRUSI
Sangiza iyi nkuru abandi

Yanditswe na MUTABAZI Fidele

Kuwa 16 Kamena 2020

Dexamethasome niwo muti wizewe kandi uri kumigabane yose yo ku isi umaze kugaragara ko ushobora kuvura abarwayi ba coronavirus barembye.

Abashakashatsi b’abongereza bavuga ko uyu muti, uzwi kw’izina rya dexamethasone ari intambwe ikomeye cyane mu rugamba rwo kurwanya iyi ndwara imaze guhitana imbaga y’abantu..

Niwo muti wa mbere kw’isi umaze kuboneka ko ukomeye mu miti yose irimo irageragezwa kw’isi mu kuvura coronavirus.



Abashakashatsi babona ko iyo uwo muti uba warakoreshejwe mu kuvura abarwaye iyo ndwara kuva mu ntangiriro mu Bwongereza, ubuzima bw’abagera ku 5000 baba bararokotse.

Uwo muti uraboneka kandi ushobora kugira akarusho kadasanzwe mu bihugu bikenye bifite umubare munini w’abarwaye Covid-19.

Leta y’Ubwongereza ku ruhande rwayo yateganyije mu bubiko bwayo uwo muti wo kuvuga abantu bagera ku 200.000.

Ivuga ko ikigo gishinzwe ubuzima bwa muntu mubwongereza(NHS) kizahabwa uwo muti kugira ngo kiwuhe abarwayi bizaba bikenewe ko bawuhabwa.

Hafi 19 kuri 20 banduye coronavirus barayikira batarinze kurara mu bitaro.

Naho kubarembye cyane mu bitaro, abenshi barakira ariko hari bamwe biba ngombwa ko bahabwa ibyuma bibongerera umwuka kugirango babashe guhumeka.

Mu bikorwa byo kugerageza uwo muti byari biyobowe n’ishuri rya kaminuza rya Oxford, hafi abarwayi 2000 bari barwariye mu bitaro bahawe dexamethasone barakize ubwo babagereranyaga n’abandi 4000 batahawe uwo muti.

Umwarimu Peter Horby wari uyoboye ubu bushakashatsi aravuga ati: “Uyu niwo muti wonyine gugeza ubu werekanye ko ushobora kugabanya uumubare w’abahitanwa na colonavirus kandi ko wagabanyije ubukana bigaragara. Ni intambwe ikomeye cyane”.

Hagati aho, si ukuvuga ko abantu bahita bajya kuwugura ngo bawukoreshe mu ngo zabo

Dexamethasone bimaze gugaragara ko atari umuti wo gufasha abantu bafite ibimenyetso bidakomeye bya coronavirus ko ahubwo bigomba guhabwa abageze kukigero cyo kongererwa umwuka.



Umuti witwa hydroxychloroquine usanzwe uvura malaria ukaba ariwo ukigeragezwa mu kuvura coronavirus, nubwo kuva mu kwa gatatu wari wahagaritswe kubera ubushakashatsi bwagaragaje ko ushobora kongera ibimenyetso aho gukiza ubu burwayi.

Uretse kuba iyi miti ivura bamwe na bamwe mu barwayi ba coronavirus ariko kugeza ubu nta muti nta n’urukingo birashyirwa ahagaragara ko bishobora kuvura cyangwa gukingira coronavirus.

Inkingo za coronavirus zikomeje kugeragezwa hirya no hino ku isi.



Leave a Reply

Your email address will not be published.