Congo-Brazzaville:Perezida Denis Sassou Nguesso ni we watsinze amatora

MU MAHANGA POLITIKI
Sangiza iyi nkuru abandi

Perezida Denis Sassou Nguesso yongeye gutorerwa gutegeka Congo-Brazzaville ku bwiganze bw’amajwi 89%, nkuko byatangajwe na Minisitiri w’Ubutegetsi bw’igihugu.

Iyi ntsinzi ibonetse nyuma y’uko uwari umukandida ukomeye mu batavuga rumwe n’ubutegetsi,Guy Brice Parfait Kolélas, apfuye ku cyumweru azize Covid-19. Nyakwigendera Kolélas muri aya matora we yagize amajwi 8%.

Guy Parfait Kolélas waguye mu bitaro byo mu Bufaransa aho yari yarajyanywe kuvurizwa,yapfuye asize asabye abamushyigikiye n’abaturage muri rusange gukomeza guhatana bakarwanira impinduka.

Perezida Sassou Nguesso, w’imyaka 77, amaze imyaka 37 ku butegetsi,kuko yatangiye kuyobora iki gihugu kuva mu mwaka wa 1979, usibye imyaka itanu gusa yabuvuyeho nyuma yo gutsindwa amatora mu 1992.

Leave a Reply

Your email address will not be published.