Congo-Brazaville:Perezida Sassou Nguesso ni we uhabwa amahirwe yo gutsinda amatora

MU MAHANGA MURWANDA POLITIKI
Sangiza iyi nkuru abandi

Perezida Denis Sassou Nguesso usanzwe ayobora Republika ya Kongo Brazaville,ari guhabwa amahirwe mu matora yo kuri iki Cyumweru,gusa abatavuga rumwe n’ubutegetsi bo bakavuga ko ayo matora atabaye mu mucyo kandi ko agamije gushyira imbere uwari asanzwe ari Perezida.

Nta makuru y’umutekano muke yavuzwe mbere y’uko ibiro by’amatora bikifungura, ariko ibimenyamakuru byatangaje ko yaba interineti cyangwa imbuga nkoranyambaga byahagaritswe.

Perezida Sassou Nguesso w’imyaka 77 ni we ahabwa amahirwe yo gutsinda abandi batandatu bahiganwa, bayobowe n’umuhanga mu by’ubukungu, Guy-Brice Parfait Kolelas. Uyu yatangaje kuwa Gatandatu ko yanduye Covid-19 kandi arembye cyane aho arwariye i Paris mu Bufaransa.

Kolelas,wari ku murongo wa mbere mu batavuga rumwe n’ubutegetsi mu matora y’umukuru w’igihugu yo 2016,yanduye iki cyorezo kuwa Gatanu ushize.

Perezida Sassou Nguesso, yagiye ku butegetsi mu 1979, akaba abumazemwo imyaka 36, bituma aba umwe mu bakuru b’ibihugu bamaze igihe kirekire ku butegetsi.

Leave a Reply

Your email address will not be published.