Burundi:Pierre Buyoya yakatiwe gufungwa burundu

MU MAHANGA POLITIKI
Sangiza iyi nkuru abandi

Urukiko rw’Ikirenga mu Burundi, rwakatiye igifungo cya burundu abantu 19 barimo Pierre Buyoya wahoze ayoboye iki gihugu.

Aba bantu bose uko ari 19 bahamwe n’ibyaha birimo uruhare bagize mu rupfu rwa Melchior Ndadaye, na we wayoboye u Burundi ndetse akaba anafatwa nk’impirimbanyi ya Demokarasi mu Burundi.

Mu bareganwa na Buyoya muri iyo dosiye, uwagizwe umwere ni Antoine Nduwayo wahoze ari Minisitiri w’Intebe.

Ubusanzwe, Pierre Buyoya w’imyaka 70, ahagarariye ishyirahamwe ry’ubumwe bwa Afrika mu karere ka Sahel. Ntabwo yigeze aburana muri urwo rubanza.

Inyandiko y’Urukiko rw’Ikirenga ivuga ko Pierre Buyoya n’abandi bantu 15 – benshi bahoze ari aba-ofisiye bakuru mu gisirikare cy’Uburundi – aribo bakatiwe gufungwa burundu.

Abandi bantu batatu, barimo Bernard Busokoza wabaye visi perezida w’Uburundi, bakatiwe igifungo cy’imyaka 20, naho undi umwe agirwa umwere.

Mu 2018, leta y’u Burundi yashizeho impapuro mpuzamahanga zo gufata Pierre Buyoya, watwaye Uburundi inshuro zibiri (1987 – 1993, 1996 – 2003) aho ashinjwa uruhare mu iyicwa ry’uwamusimbuye mu 1993, Melchior Ndadaye.

Leave a Reply

Your email address will not be published.