Aubameyang: Umutoza we Arteta yizeye ko azamuha andi masezerano ayo afite narangira.

IMIKINO
Sangiza iyi nkuru abandi

Yanditswe na MUTABAZI Fidele

Kuwa 16 Kamena 2020

Umutoza Mikel Arteta w’ikipe ya Arsenal avuga ko yizeye ko hazemezwa kontaro nshya na rutahizamu Pierre-Emerick Aubameyang.

Amasezerano y’akazi asanzweho ya Aubameyang w’imyaka 30 y’amavuko, azarangira mu kwezi kwa gatandatu mu mwaka utaha wa 2021.

None nkuko BBC dukesha iyi nkuri yabitangaje , Arteta avuga ko iyi kipe igomba kwereka uyu rutahizamu ukomoka muri Gabon impamvu akwiye gukomeza kuyikinira.

Arteta yagize ati: “Akwiye kumva ko ahabwa agaciro, akwiye kwiyumva ko ari uwacu kandi ko tumushaka”.

Aubameyang avuga ko kumenya niba azashyira umukono kuri kontaro nshya muri Arsenal “bishobora kuba ari cyo cyemezo cy’ingenzi cyane kurusha ibindi” azaba afashe mu buzima bwe nk’umukinnyi.

Uyu rutahizamu amaze gutsindira iyi kipe yo majyaruguru y’umurwa mukuru London w’Ubwongereza ibitego 61 mu mikino 97 amaze kuyikinira kuva yayigeramo avuye muri Borussia Dortmund yo mu Budage mu mwaka wa 2018.

Arteta yongeyeho ati: “Ntekereza ko kuri ubu nishimye cyane kubera ukuntu amaze igihe akina n’imyitwarire ye”.

“Mfitanye umubano mwiza cyane na we ndetse dushobora kuganira ku bintu byinshi amaso ku maso. Kugeza ubu icyo nzi ni uko yishimiye cyane uko amerewe muri iyi kipe”.

Ishusho igaragaza Aubaneyang wese.

Ariko, nubwo Arteta agifite icyizere, Aubameyang yabwiye ikiganiro Téléfoot cya televiziyo yo mu Bufaransa ko “mu gihe cya vuba gishize nta masezerano arahabwa” na Arsenal.

Yagize ati: “Rwose navuganye n’ikipe mu mezi macye ashize, bazi impamvu kugeza ubu nta kintu na kimwe cyari bwabe”.

Mu kwezi kwa gatatu, mbere yuko Premier League iba ihagaritswe kubera icyorezo cya coronavirus, Arteta yavuze ko ashaka kugumana Aubameyang “uko byagenda kose”.

Icyo gihe Arteta yongeyeho ko Arsenal igomba kuganira n’uyu kapiteni wayo ku bijyanye n’amasezerano mashya mbere yuko uyu mwaka w’imikino urangira.

Uyu mukinnyi bivugwa ko Barcelona na Inter Milan zimwifuza.

Arsenal ubu iri ku mwanya wa cyenda ku rutonde rw’agateganyo rwa shampiyona.

Ubwo iyi shampiyona izaba isubukuwe kuri uyu wa gatatu, izerekeza ku kibuga Etihad cya Manchester City gukina n’iyi kipe iri ku mwanya wa kabiri ku rutonde rw’agateganyo.

Aubameyang iburyo.
Aubameyang ibumosa bishimira igitego batsinze Banrey.

Leave a Reply

Your email address will not be published.