Afurika y’Epfo:Hafashwe inkingo za covid-19 z’inyiganano

MU MAHANGA UBUZIMA
Sangiza iyi nkuru abandi

Igipolisi cyo muri Afurika y’Epfo cyafashe inkingo za Covid-19 ziganwe, kinafata abantu bane gikekaho kuba inyuma y’ubwo bugizi bwa nabi. Igipolisi mpuzamahanga (Interpol) cyavuze ko cyagize uruhare mu guta muri yombi abo bantu.

Ibi bibaye nyuma y’aho Interpol, ifite ikicaro mu Bufaransa, mu kwezi kwa cumi na kabiri isohoreye itangazo imenyesha abashinzwe kubahiriza amategeko mu bihugu 194 bihuriye muri icyo gipolisi,aho yasabaga ko ibihugu byatangira kwitunganya mu kurwanya amatsina agiye gutangira kugurisha inkingo za Covid-19 z’inyiganano.

Interpol yavuze ko uducupa 400 turimo inkingo ziganwe twatowe mu bubiko bwa laboratware i Germiston, mu burasirazuba bwa Johannesburg, aho abapolisi basanze n’umubare munini c
w’udupfukamunwa tutemewe gukoreshwa.

Abashinwa batatu ndetse n’umwenegihugu wa Zambiya bafatiwe muri ibyo bikorwa byo kwigana inkingo.

Ifatwa ry’izo nkingo n’abazifatanwe muri Afurika y’Epfo byatanze amakuru atuma hamenyekana itsinda rigurisha inkingo ziganwe mu Bushinwa.

Igipolisi mu Bushinwa cyahise gikora umukwabu aho zikorerwa,hafatwa abantu 80 n’inkingo ziganwe zirenga 3 000 zafashwe nk’uko igipolisi cya Interpol cyabyanditse ku rubuga rwacyo rwa murandasi.

Interpol yavuze ko iperereza rikomeje kandi ko yamaze kubona izindi raporo z’inkingo ziganwe.

Leave a Reply

Your email address will not be published.