Afrika y’epfo: Bwa mbere urukingo rwa Colonavirus rugiye kugeragezwa ari n’ubwa mbere muri Africa

KORONAVIRUSI
Sangiza iyi nkuru abandi

Yanditswe na MUTABAZI Fidele

Kuwa 23 Kamena 2020

Urukingo rwa colonavirus bwa mbere rugiye kugeragezwa na Kaminuza ya Wits yo muri Johannesburg muri Afurika y’Epfo uyu munsi. Mubyo yatangaje yavuze ko igerageza rya mbere ry’uru rukingo rwa coronavirus muri iki gihugu,ari naryo rya mbere muri Afurika yose. Abantu ba mbere baraterwa urwo rukiko muri iki cyumweru.

Uru rukingo ruri mu igerageza, abahanga barwise ChAdOx1 nCoV-19, barukoze muri virus yitwa ChAdOx1, bari kureba niba rushobora gukingira umubiri w’umuntu Covid-19.

Muri Afurika y’Epfo abantu 80,000 bamaze kwandura iki cyorezo, muri bo 1,674 yarabahitanye.

Profeseri Shabir Madhi, umuhanga mu by’inkingo wo muri kaminuza ya Wits niwe uyoboye igerageza ry’uru rukikogo muri Afurika y’Epfo, ubushakashatsi bafatanyijemo na kaminuza ya Oxford yo mu Bwongereza hamwe na Oxford Jenner Institute yarukoze.

Bwana Madhi avuga ko batangiye gusuzuma abo bazakoreraho igerageza mu cyumweru gushize. Ati: “aba mbere baraterwa uru rukingo muri iki cyumweru”.

Ishami rya ONU rishinzwe ubuzima ku isi OMS rivuga ko nta muti cyangwa urukingo by’iki cyorezo biraboneka kugeza ubu.

Mbere y’uko iri gerageza ritangira, abagiye kurikora bavuga ko uru rukingo rwabanje kugenzurwa no kwemezwa n’ikigo cya leta ya Afurika y’Epfo gishinzwe kwemeza ibikoreshwa mu gihugu.

Uru rukingo rwamaze guterwa abantu 4,000 mu igeragezwa mu Bwongereza, ruri kugeragezwa kandi no muri Brazil.

Bavuga ko bateganya gukora igerageza ryarwo ryagutse ku bantu 30,000 muri leta zunze ubumwe za Amerika.

Abashakashatsi bakoze uru rukingo bavuga ko bimwe mu birugize (antibodies) byagaragaje – mu isuzumwa ryo muri laboratoire – ko bishobora kwica iyi virusi.

Bavuga ko bizeye ko nirugera mu mubiri w’umuntu ruzabasha kuwuha ubudahangarwa imbere ya virusi ya SARS-CoV-2 igera mu mubiri w’umuntu igatera indwara ya Covid-19.

Abari gukora iri gerageza bavuga ko izi nkingo zigaragaza ko nta ngaruka zigira, nubwo zishobora gutera guhinda umubiri, kuribwa umutwe no kubabara akaboko by’igihe gito.

Mu kwezi gushize, aba bashakashatsi basabye leta ya Kenya ko uru rukingo rugeragezwa ku bantu 400, inzego zibishinzwe muri Kenya zikaba zitaremeza ko igeragezwa ritangira.

Ahatandukanye ku isi hari gukorwa inkingo zirenga 100 za Covid-19 hagamijwe gushaka urwayikingira neza ndetse no gushaka umuti wayo dore ko ari icyorezo kibangamiye isi yose.

ubushakashatsi bafatanyijemo na kaminuza ya Oxford yo mu Bwongereza hamwe na Oxford Jenner Institute yarukoze.

Leave a Reply

Your email address will not be published.