Afrika: Abanyamategeko barifuza ko amatora yo mu mubihugu biyigize yasubikwa kubera Coronavirus

KORONAVIRUSI POLITIKI
Sangiza iyi nkuru abandi

Yanditswe na MUTABAZI Fidele

Kuwa 15 Kamena 2020

Itsinda ry’abanyamategeko rizwi nka, Pan African Lawyers’ Union (Palu), ryasabye Urukiko Nyafurika rushinzwe uburenganzira bwa muntu ruherereye i Arusha muri Tanzania, gusubika amatora ateganyijwe mu bihugu 21 bya Afurika kubera ingaruka mbi z’icyorezo cya coronavirus.

Aba banyamategeko batanze iki cyifuzo tariki 2 Kamena uyu mwaka, basaba ko urukiko rwashyiraho amategeko n’amahame agenga amatora mu gihe cy’iki icyorezo cya Covid-19.

Bifuza ko urukiko rugira inama Umuryango wa Afurika Yunze Ubumwe na za leta ku bijyanye n’inshingano zemewe n’amategeko ngenderwaho yakurikizwa, niba bahisemo gukomeza amatora yari ateganyijwe muri iki gihe cyangwa akaba yasubikwa.

Umuyobozi mukuru mu by’amategeko muri Open Society Justice Initiative, Chidi Odinkalu, yagize ati “Guverinoma z’Afurika zigomba kwita ku buzima n’umutekano by’abatora muri iki gihe cya Coronavirus ndetse no kurinda ubusugire bwa demokarasi.”

Kwiyamamaza bibanziriza amatora hirya no hino ku isi

Kugeza ubu hirya no hino ku mugabane wa Afurika hateganyijwe amatora mu bihugu 21, harimo 11 y’abakuru b’ibihugu na ba Minisitiri b’intebe, andi 13 azaba mu 2021.

U Burundi nicyo gihugu giherukamo amatora y’umukuru w’igihugu, mu Ukwakira uyu mwaka hateganyijwe andi muri Tanzania.

Ibihugu birimo Gambia, Nigeria, Tunisia, Zambia na Zimbabwe byo byasubitse amwe mu matora byari bifite kubera coronavirus.

Kugeza ubu ku mugabane wa Afurika hamaze kugaragara abantu 245 762 banduye Coronavirus, abamaze gupfa ni 6 554 naho abakize ni 112 985.

Ubu ni bumwe mu buryo bugezweho bw’imitorere bukoreshwa cyane hatorwa abayobozi bakuru.
Bumwe mu buryo bukoreshwa mu mumatora y’abayobozi bibanze.

Leave a Reply

Your email address will not be published.